Modyul 4 Repleksyon: Kaunlarang Pangkasarian

    

Sanggunian: https://fma.ph/today-herstory-women-malolos/

Kinakailangan ng matinding pag-unawa at paglawak ng kamalayan upang makamit ang hangarin ng makabuluhang pag-unlad ng mga kababaihan. Base sa RA 9710, ang mga kababaihan ay mga aktibong aktor sa pag-unlad na ito, at hindi lamang mga pasibong tagatanggap ng tulong. Mayroon silang tungkulin na magbuklod-buklod bilang mga babae at makilahok sa mga pulitikal na proseso upang higit na maitatag ang kanilang mga karapatan. Hindi nangangahulugan na ito’y laban ng babae lamang; ang mga kalalakihan ay may tungkulin din na tulungan at ipaglaban ang mga adhikain ng mga babae. 


Ngunit, kailangan ito magsimula sa pagkaintindi at pag-unawa sa mga karahasan na dulot ng patriyarkal na sistema at “macho-feudal” na istrutuka na mayroon tayo sa kasalukuyan. Ito’y isang pagsubok, sapagkat ang tao ay likas na nagiging mapagtanggol sa mga aksyon at gawain niya, lalo na kung hindi niya nakikita at nauunaaan ang mga kamalian ng kanyang nakasanayan. Matapos lamang palawakin ang isip, at maamin niya sa kanyang sarili ang mga karahasang naidulot ng mga sistemang ito ay doon pa lamang niya masisimulang tulungan ang mga kababaihan, at lahat ng ibang uri na kaakibat ng kilusang peminismo. 


Importante rin ang pagwasak sa dikotomong kaisipan na may dalawang uri lamang - lalaki at babae. Sabi nga sa modyul na ito na ang katawan ay isang “political arena”, at ang pagkahon sa mga konsepto nito ay tanging pagpapalakas lamang sa mga naghaharing uri na may hawak sa atin. Sabi rin dito na ang pag-unlad ay hindi lamang isang ideyalistang pagbabago mula baba paitaas, ngunit isa ring malumanay na pagkaunawa mula itaas paibaba. Lubos kong nagustuhan ang analohiyang ginamit na ang pag-unlad ay parang isang puno, kinakailangan na may matatag na ugat sa baba, at malagong mga dahon sa itaas na nagbibigay lilim.


Comments

Post a Comment

Popular posts from this blog

Module 7 Repleksyon: Proteksyon ng Kalikasan

Image
     Sanggunian: https://drybrush.com/artworks/owie-balita/gift-of-nature-series-1 Nakakaaliw isipin na ang mga paraang itinuro sa akin noong ako’y nasa mababang paaralan palamang tulad ng pagpatay ng gripo habang nagsisipilyo, pag-iwas sa paggamit ng mga plastik straws , at muling paggamit ng materyales para sa pagreresiklo ay mayroon lamang napakaliit na epekto sa pagprotekta sa kalikasan. Tila binigyan tayo ng isang ilusyon na ang mga indibidwal na mga gawain natin ay ang pinaka sanhi ng pagkawasak ng ating pinakamamahal na kalikasan.  Isa itong napakalaking ginhawa sa mga korporasyon at institusyon na maipasan natin ang kanilang mga pagkukulang, sapagka’t kung tutuusin ay kahit ilang beses natin patayin ang ating mga gripo, o di kaya’y iwasan ang paggamit ng plastic at magresiklo ay hindi parin nito mapupunan ang epekto ng kanilang mga operasyon na isinasagawa tulad ng pagmimina at labis na pag-gawa ng mga produkto. Bagkus, kailangan din natin isipin kung bakit a...
Read more

Final na Repleksyon: NSTP at IE?

Image
     Source: https://sea.mashable.com/social-good/14877/filipino-artist-uses-recycled-trash-to-make-beautiful-paintings-and-fight-waste Galing sa isang kurso na ang pinagtutuunan ng pansin ang mga konsepto ng " efficiency and productivity",  madaling mabulag at tuluyang makonsumo ng layunin na dagdagan ang kita sa pamamagitan ng pagdami ng produksyon at pagbawas sa mga bagay na walang halaga (o waste). Kung tatalakayin lamang ang mga ito mula sa perspektibo ng mga balance sheets, maraming mga paktor na hindi masasagap o mairerepresenta ng mga numero lamang. Mula sa Modyul 6 ng NSTP, sa pamamahala at mitigasyon ng sakuna, mayroong mga ibang kailangan isipin tulad ng epekto ng mga operasyon sa kalikasan. Ito ay tinatalakay din sa Econ 11 bilang mga "social cost" at "externalities" . Ang mga ito'y lubos na nilalapat ng NSTP sa mas konkretong pagpapakita ng epekto ng mga hindi responsableng pagplano ng mga ganitong operasyon sa mga bayan at tao. Bilang isa...
Read more

Modyul 5 Repleksyon: Pagsasanay sa Pagkamamamayan

Image
Sanggunian: https://www.vecteezy.com/free-vector/school" Bilang mga mag-aaral na tumatamasa sa libreng edukasyon na dulot ng buwis ng ating mga kapwa Pilipino, para kanino nga ba dapat ang ating edukasyon at pinag-aaralan? Kung ibabatay natin sa kung sino ang mga "sponsor" natin, madaling sabihin na dapat para sa ating mga kapwa Pilipino din ang puno't dulo ng ating mga hangarin. Ngunit, sa tingin ko'y hindi sapat ang paglaan ng estado ng buwis ng mamamayan upang tustusan ang gastusin ng ating pag-aaral para sabihing para din lamang sa estado at sa ating mga kapwa Pilipino ang ating pagsusumikap. Mas malalim pa dapat kaysa sa transaksyunal na konseptong ito. Higit pa sa libreng edukasyon ay ang pagkupkop at pagtamasa natin ng ating pangkat na kinabibilangan, ang pagbigay sa atin ng estado ng tahanan at komunidad, ang karapatan at pribilehiyo na tawagin natin ang ating mga sarili na Pilipino. Ang pagalala sa mga bayaning nagbuwis ng kanilang mga buhay upang makamt...
Read more