LTS 1-2 Elektronikong Dyornal | Cauilan, Andre

     Source: https://sea.mashable.com/social-good/14877/filipino-artist-uses-recycled-trash-to-make-beautiful-paintings-and-fight-waste Galing sa isang kurso na ang pinagtutuunan ng pansin ang mga konsepto ng " efficiency and productivity",  madaling mabulag at tuluyang makonsumo ng layunin na dagdagan ang kita sa pamamagitan ng pagdami ng produksyon at pagbawas sa mga bagay na walang halaga (o waste). Kung tatalakayin lamang ang mga ito mula sa perspektibo ng mga balance sheets, maraming mga paktor na hindi masasagap o mairerepresenta ng mga numero lamang. Mula sa Modyul 6 ng NSTP, sa pamamahala at mitigasyon ng sakuna, mayroong mga ibang kailangan isipin tulad ng epekto ng mga operasyon sa kalikasan. Ito ay tinatalakay din sa Econ 11 bilang mga "social cost" at "externalities" . Ang mga ito'y lubos na nilalapat ng NSTP sa mas konkretong pagpapakita ng epekto ng mga hindi responsableng pagplano ng mga ganitong operasyon sa mga bayan at tao. Bilang isa...

Sanggunian: https://www.filipinoart.ph/art/the-calm-before-the-storm      Hindi naman tago sa ating mga kaalaman ang kasaysayan ng mga sakuna at kalamidad na dumaan sa ating bansa. Sa mga sakuna at kalamidad pa nga nanggaling ang pagkabansag sa mga Filipino na isa sa mga pinaka " resilient"  na grupo ng tao sapagka't kahit anong mangyari ay babangon at babangon daw lang daw naman tayo. Ngunit, ang pagbangon na ito ay tila isang malaking insulto na lamang ngayon, dahil kung tutuusin ay sa dami nga ng nagdaan ng mga bagyo at lindol ay hindi ba dapat natuto na tayo sa mga ito? Natuto na tayo kung paano paghandaan ang mga ito? Bakit nga ba mas lumalala lamang ang sitwasyon sa ilang mga siyudad at distrito, at sa konting ulan pa lamang ay bumabaha na? Dulot ito ng mga baradong kanal at disenyo ng mga kalsada na gawa sa mga hindi-kalidad na materyal.  Ang pamamahala sa mitigasyon ng sakuna ay isang sistematikong tungkulin hindi lamang ng mga mamamayan ng siyudad...

Sanggunian: https://www.scoutmag.ph/65380/spoliarium-2k20-clister-art-artivism-ejk-seenonscout/      Bagama’t masasabing kasama sa “sentidong kumon” ang pag-iwas at hindi paggamit sa droga, importante na nailatag ng modyul na ito ang mga posiblen sanhi - kultural at sosyo-politikal, kung bakit mayroong mga naitutulak na gumamit ng mga ito. Sa aking palagay ay napakahalaga ng impormasyong ito para sa mas lubos na pagkaintindi at pag-unawa sa mga taong gumagamit na. Mas mahalagang malaman din natin, na bukod sa mga paraan ng prebensiyon ay kung paano naman makikitungo, o muling makakasalamuha ang mga taong hindi ito naiwasan. Ang muling pagkupkup sa kanila, pagbabalik nila sa payamanan, at angkop na pag-papagaling sa kanila ay mas dapat tuunan ng pansin ngayon. Hindi sila mga taong walang pag-asa, na ang tanging lunas ng gobyerno (sa panahon ni Duterte) ay wakasan a lamang ng buhay. Kinakailangan ating maintindihan at maitatak sa ating mga budhi na sila ay mga tao pari...

     Sanggunian: https://www.documentjournal.com/2019/02/finding-my-filipino-identity-in-maia-cruz-palileos-art/      Sa dami-rami ng mga teorya na tungkol sa pagkaintindi sa sarili, para sa akin ay isa lamang ang kailangan tandaan at isa puso. Hindi ito galing sa mga teorya na tinalakay sa modyul na ito, ngunit isang konsepto na galing sa aking relihiyon. Ang diwa at halaga ng isang tao, ng kanyang sarili, ay hindi maaring mabawasan ng kahit anong bagay na nangyari sa kanya, o bagay na kanyang ginawa.  Lahat tayo ay anak ng Diyos, at ang kahalagahan ng bawat tao ay hindi maaring maibsan ng kahit anong teorya o " ism". Nagkaroon din naman ako ng panahon kung saan lahat ng mga isms  na ito ay malaki ang naging impluwensiya sa akin, at minsa'y ako'y naniwala na ang kahalagahan ng isang tao ay base lamang sa kanyang mga tagumpay at mga napatunayan. Ngunit ngayon ay aking napagtanto nga na kahit puro kabiguan ang mangyari sa isang tao, hindi ito nanga...

     Sanggunian: https://fma.ph/today-herstory-women-malolos/ Kinakailangan ng matinding pag-unawa at paglawak ng kamalayan upang makamit ang hangarin ng makabuluhang pag-unlad ng mga kababaihan. Base sa RA 9710, ang mga kababaihan ay mga aktibong aktor sa pag-unlad na ito, at hindi lamang mga pasibong tagatanggap ng tulong. Mayroon silang tungkulin na magbuklod-buklod bilang mga babae at makilahok sa mga pulitikal na proseso upang higit na maitatag ang kanilang mga karapatan. Hindi nangangahulugan na ito’y laban ng babae lamang; ang mga kalalakihan ay may tungkulin din na tulungan at ipaglaban ang mga adhikain ng mga babae.  Ngunit, kailangan ito magsimula sa pagkaintindi at pag-unawa sa mga karahasan na dulot ng patriyarkal na sistema at “macho-feudal” na istrutuka na mayroon tayo sa kasalukuyan. Ito’y isang pagsubok, sapagkat ang tao ay likas na nagiging mapagtanggol sa mga aksyon at gawain niya, lalo na kung hindi niya nakikita at nauunaaan ang mga kamalian ng ka...

     Sanggunian: https://niccortez.artstation.com/projects/VPxy5 Bilang mga iskolar ng bayan, hindi maihihiwalay sa diwa ng isang mag-aaral mula sa Unibersidad ng Pilipinas ang mga konsepto ng “honor, excellence, at service”. Ang mga salitang ito’y nagbibigay kahulugan o nagsisilbing tatak ng mga taga U.P. Bagama’t maraming mga taga U.P. din ang nabigong ipamalas sa sambayanang Pilipino ang “ honor, excellence at service” , at sila pa nga ang mismong nagnakaw at bumastos sa kanilang mga kapwa Pilipino at sa bayan, hindi sila ang kumakatawan at nagbibigay diwa sa ating mahal na paaralan. Bagkus, hindi magbabago ang layunin ng paaralan na itanim sa mga kasalukuyan nitong mga mag-aaral ang mga konseptong ito, at maibahagi nila sa karaniwang tao ang katas ng kanilang edukasyong nagmumula sa bulsa ng sambayanang Pilipino. Ito ang batayan ng programang NSTP ng U.P. Diliman - isang makabayan at makamasang programa na naghahangad ipaintindi sa kanyang mga mag-aaral nang may higit...

     Sanggunian: https://drybrush.com/artworks/owie-balita/gift-of-nature-series-1 Nakakaaliw isipin na ang mga paraang itinuro sa akin noong ako’y nasa mababang paaralan palamang tulad ng pagpatay ng gripo habang nagsisipilyo, pag-iwas sa paggamit ng mga plastik straws , at muling paggamit ng materyales para sa pagreresiklo ay mayroon lamang napakaliit na epekto sa pagprotekta sa kalikasan. Tila binigyan tayo ng isang ilusyon na ang mga indibidwal na mga gawain natin ay ang pinaka sanhi ng pagkawasak ng ating pinakamamahal na kalikasan.  Isa itong napakalaking ginhawa sa mga korporasyon at institusyon na maipasan natin ang kanilang mga pagkukulang, sapagka’t kung tutuusin ay kahit ilang beses natin patayin ang ating mga gripo, o di kaya’y iwasan ang paggamit ng plastic at magresiklo ay hindi parin nito mapupunan ang epekto ng kanilang mga operasyon na isinasagawa tulad ng pagmimina at labis na pag-gawa ng mga produkto. Bagkus, kailangan din natin isipin kung bakit a...

Sanggunian: https://www.vecteezy.com/free-vector/school" Bilang mga mag-aaral na tumatamasa sa libreng edukasyon na dulot ng buwis ng ating mga kapwa Pilipino, para kanino nga ba dapat ang ating edukasyon at pinag-aaralan? Kung ibabatay natin sa kung sino ang mga "sponsor" natin, madaling sabihin na dapat para sa ating mga kapwa Pilipino din ang puno't dulo ng ating mga hangarin. Ngunit, sa tingin ko'y hindi sapat ang paglaan ng estado ng buwis ng mamamayan upang tustusan ang gastusin ng ating pag-aaral para sabihing para din lamang sa estado at sa ating mga kapwa Pilipino ang ating pagsusumikap. Mas malalim pa dapat kaysa sa transaksyunal na konseptong ito. Higit pa sa libreng edukasyon ay ang pagkupkop at pagtamasa natin ng ating pangkat na kinabibilangan, ang pagbigay sa atin ng estado ng tahanan at komunidad, ang karapatan at pribilehiyo na tawagin natin ang ating mga sarili na Pilipino. Ang pagalala sa mga bayaning nagbuwis ng kanilang mga buhay upang makamt...